У адпаведнасці з тлумачэннямі МЗС Тайланда, атрыманымі Генконсульствам 31 сакавіка г.г., з 1 красавіка ўводзіцца новы парадак уезду замежных грамадзян на тэрыторыю Каралеўства Тайланд. Тэрмін абавязковага каранціну па прыездзе ў краіну (ASQ) для грамадзян, якія прайшлі вакцынацыю ад каранавіруснай інфекцыі COVID-19, скарачаецца да 7 дзён. Пры гэтым замежнікі абавязаны прадставіць дакументы, якія пацвярджаюць вакцынацыю медыцынскімі прэпаратамі аднаго з наступных вытворцаў:
1. Sinovac
2. AstraZeneca / Oxford
3. SK BIOSCIENCE (AstraZeneca/Oxford)
4. Pfizer/BioNTech
5. Covishield (Serum Institute of India)
6. Janssen (Johnson & Johnson)
7. Moderna
Даведка аб вакцынацыі ад COVID-19 павінна быць выдадзена дзяржаўным органам краіны з зацверджанага ўрадам Тайланда спісу не пазней, чым за 14 дзён да ўезду ў Каралеўства (па стане на 31 сакавіка 2021 г. спіс краін не апублікаваны). Вакцыны іншых вытворцаў будуць дадавацца ў спіс па меры іх ухвалення Сусветнай арганізацыяй аховы здароўя або ўрадам Тайланда. Для ўсіх астатніх грамадзян тэрмін абавязковага каранціну складзе 10 дзён. Медыцынскі сертыфікат "Fit to Fly" для ўезду ў Тайланд не патрабуецца.
